×
A
A
A
Sazlamalar

“Sağlam böyümək istəyirəm” devizi altında sadə idman növləri üzrə açıq turnirlər davam edir

Bakı, 29 iyun, AZƏRTAC

Nərimanov rayonunda “Sağlam böyümək istəyirəm” devizi altında sadə idman növləri üzrə açıq turnirlər davam edir.
Nərimanov Rayon Gənclər və İdman İdarəsindən AZƏRTAC-a bildiriblər ki, S.C.Pişəvəri adına Respublika Humanitar Fənlər Gimnaziyasında Nərimanov Rayon Gənclər və İdman İdarəsinin təşkilatçılığı ilə “Sağlam böyümək istəyirəm” devizi altında sadə idman növləri üzrə (yerindən uzunluğa tullanma, topun atılması, 60 metr məsafəyə qaçış) gimnaziyanın şagirdləri arasında turnir keçirilib.
Sonda Nərimanov Rayon Gənclər və İdman İdarəsi tərəfindən turnir iştirakçıları sertifikatlar, qaliblər isə müvafiq dərəcəli diplomlarla təltif olunublar.

Cəmiyyət 2022-06-29 17:43:00