Zərdabda pambıq əkinlərində birinci vegetasiya suvarmasına başlanıb
Zərdab, 29 iyun, AZƏRTAC
Zərdab rayonunda pambıq əkini sahələrində kompleks becərmə tədbirləri davam etdirilir və hazırda birinci vegetasiya suvarmasına başlanıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari mövsümdə Zərdabda 2780 hektar sahədə çiyid səpini aparılıb və hər yerdə normal çıxış alınıb. Səpin işlərinin 1700 hektarı “MTK-İK”-in Zərdab filialı, 1080 hektarı isə “P-AQRO” MMC tərəfindən aparılıb. Sahələrdə becərmə tədbirlərinin vaxtında və aqrotexniki qaydada aparılması ciddi diqqət mərkəzindədir. Tütün tripsi və mənənəyə qarşı kimyəvi mübarizə başa çatdırılıb. Hazırda pambıq sovkasına qarşı kimyəvi mübarizə işləri görülür.
Qeyd edək ki, pambıq sahələrinin becərilməsinə 400 nəfərədək işçi qüvvəsi cəlb edilib. Hər yerdə, xüsusilə İsaqbağı, Şıxbağı, Pərvanlı, Qoşaoba, Körpükənd və bir sıra digər icra nümayəndəliklərində əkinlərin becərilməsi daha mütəşəkkil aparılır. Artıq bitkilər qönçələnmə-çiçəkləmə fazasındadır. Əkinlərin hazırkı vəziyyəti hər yerdə yüksək məhsuldarlıqdan xəbər verir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb