Paris, 29 iyun, AZƏRTAC

Fransa V Respublikasının Milli Assambleyasının 16-cı çağırış deputatlarının ilk sessiyası keçirilib. Yeni deputatlar tarixdə ilk dəfə Milli Assambleyaya qadın namizədi sədr seçiblər.
AZƏRTAC xəbər verir ki, 51 yaşlı xanım deputat Yael Bron-Pive (Yael Braun -Pivet) iki tur səsvermədən sonra 462 deputatdan 242-sinin səsi ilə Fransa Milli Assambleyasının sədri vəzifəsinə seçilib. Assambleyanın hüquq komitəsinin keçmiş rəhbəri Yael Bron-Pive siyasi karyerasına 2017-ci ildə başlayıb.
Milli Assambleyanın əsas maliyyə komitəsi də daxil olmaqla, qurumun əsas komitə sədrlərinin növbəti günlərdə seçiləcəyi bildirilir.

Şəhla Ağalarova
AZƏRTAC-ın xüsusi müxbiri
Paris