Naxçıvan, 27 iyun, AZƏRTAC

Naxçıvan Muxtar Respublikası Gənclər və İdman Nazirliyi və Əlahiddə Ümumqoşun Ordunun birgə təşkilatçılığı ilə hərbi hissələrdən daha birində zabit və əsgərlərimizlə görüş keçirilib.
AZƏRTAC-ın Naxçıvan bürosu xəbər verir ki, əvvəlcə gənclərə tədbirin proqramı barədə məlumat verilib, dövlətimiz tərəfindən ordu quruculuğuna göstərilən diqqət və qayğıdan bəhs edilib, hərb sənətinə yiyələnməyin mənəvi-psixoloji üstünlükləri vurğulanıb.
Gənclər şəxsi heyətin xidməti şəraiti ilə tanış olub, onlarla birgə konsert proqramında iştirak edib, nahar yeməyindən sonra Naxçıvan şəhərinə yola düşüblər.