Estoniya KİV-də Azərbaycan Silahlı Qüvvələri Gününə həsr olunmuş məqalə dərc edilib
Tallin, 27 iyun, AZƏRTAC
Estoniyanın nüfuzlu “baltija.eu” xəbər portalında Azərbaycan Silahlı Qüvvələri Gününə həsr olunmuş məqalə dərc olunub.
AZƏRTAC xəbər verir ki, Estoniyanın tanınmış jurnalisti İrina Kaplyukun müəllifi olduğu “26 İyun - Azərbaycan Silahlı Qüvvələri Günü” sərlövhəli məqalədə ölkəmizdən, Azərbaycanın müstəqilliyinin bərpasından bəhs edilir.
Yazıda, həmçinin Azərbaycanın müstəqilliyini bərpa etməsindən sonra ordu quruculuğu prosesi və ümummilli lider Heydər Əliyevin iyunun 26-nı Silahlı Qüvvələr Günü kimi təsis etməsi barədə məlumat verilib.
Məqalədə qeyd edilir ki, ulu öndər Heydər Əliyevin 1998-ci il 22 may tarixli Fərmanına əsasən hər il iyunun 26-sı Azərbaycanda Azərbaycan Silahlı Qüvvələri Günü kimi qeyd olunur.
Asiman Əsədov
AZƏRTAC-ın xüsusi müxbiri
Tallin
Fövqəladə Hallar Nazirliyi tərəfindən daha bir qanunsuz tikili sökülüb
Azərbaycanda hansı şəxslərin təhsil haqqı dövlət vəsaiti hesabına ödəniləcək?
İnzibati Xətalar Məcəlləsinin bir sıra maddələri üzrə cərimələrin məbləği artırılır
Cinayət-Prosessual Məcəlləyə təklif edilən bir sıra dəyişikliklər təsdiqlənib