Bakı, 27 iyun, AZƏRTAC

Hollivud ulduzu Tom Kruzun “Top Gun: Maverick” filmindəki roluna görə, 100-200 milyon dollar arasında qonorar ala bilər.
AZƏRTAC xəbər verir ki, aktyorun filmdən qazancı iki hissədən ibarət olacaq - çəkilişdə iştirak üçün birbaşa qonorar (13 milyon dollar), həmçinin filmin kassa gəlirlərinin əlavə faizi.
“Top Gun: Maverick” ABŞ prokatında birinci olub və 500 milyon dollar gəlir əldə edib. Blokbasterin dünya miqyasındakı gəliri isə milyard dollar həddinə yaxınlaşıb. Bu o deməkdir ki, Kruz 100-200 milyon dollar arasında gəlir əldə edəcək və bu, aktyorun karyerasında ən böyük qonorar olacaq.
Qeyd edək ki, filmin dünya premyerası 75-ci “Kann” Film Festivalında olub. Festivalda 59 yaşlı aktyor karyerasındakı nailiyyətlərinə görə xüsusi mükafata layiq görülüb.