Bakı, 23 iyun, AZƏRTAC

Xorvatiyanın Poreç şəhərində yeniyetmələr arasında cüdo üzrə Avropa çempionatında 3 idmançımız finala vəsiqə qazanıb.
AZƏRTAC xəbər verir ki, cüdoçularımız Şahin Orucov (55 kq) həlledici mərhələdə serbiyalı Matiya Yeremiç, Nizami İmranov (60 kq) macarıstanlı Adam Mayor, Aydan Vəliyeva (48 kq) isveçli Tara Babulfatla üz-üzə gələcək.
Komandamızın digər üzvü Məhəmməd Məmişov (50 kq) isə bürünc medal görüşündə ermənistanlı Gor Safaryanla qarşılaşacaq.
İyunun 25-də davam edəcək yarışda ölkəmizi 4 qız və 10 oğlan cüdoçu təmsil edir.