Siyəzən, 23 iyun, Elxan Yusifli, AZƏRTAC

Gənclərin İnkişaf və Karyera Mərkəzinin Siyəzən nümayəndəliyində 2 aya yaxın davam edən “Əsas həyat bacarıqları” təlim proqramına yekun vurulub.
AZƏRTAC-ın bölgə müxbiri xəbər verir ki, təlimlər zamanı gənclərə “Stresin idarə olunması”, “Emosional tənzimləmə”, “Özünü qiymətləndirmə”, “Mübahisələri həlletmə”, “Münasibətlərin idarə edilməsi”, “Qərar qəbuletmə”, “Tənqidi və kreativ düşünmə” və s. mövzulardan məlumatlar verilib. Bununla yanaşı, təlimlərdə müxtəlif praktiki tapşırıqlar, qrup işləri və enercayzerlər təşkil edilib.
“Əsas həyat bacarıqları” təlim proqramı üzrə fasilitator Toğrul Mehdili tərəfindən keçirilən təlimi başa vuran gənclər diplomla təltif olunublar.