Quba, 23 iyun, Elxan Yusifli, AZƏRTAC

Quba-Xaçmaz Regional Təhsil İdarəsinin tabeliyində fəaliyyət göstərən ümumi təhsil müəssisələrində 186 mərkəz üzrə 9 min 797 şagird yay məktəbində dərslərə cəlb olunub.
AZƏRTAC-ın bölgə müxbiri xəbər verir ki, Qubada 82 məktəbdə 5 min 287 şagird, Qusarda 40 məktəbdə 1450 şagird, Xaçmazda 29 məktəbdə 1092 şagird, Siyəzəndə 12 məktəbdə 691 şagird, Şabranda isə 23 məktəbdə 1277 şagird yay məktəbində dərslərdə iştirak edir.
İyunun 30-dək davam edəcək yay məktəbləri ödənişsiz və könüllü əsaslarla təşkil olunub. Yay məktəblərinin təşkilində məqsəd pandemiya ilə əlaqədar son tədris illərində təlim prosesində yaranmış fasilələrin nəticələrinin aradan qaldırılması, təhsilalanlara zəruri bilik və bacarıqların verilməsidir.