Avropa Parlamenti Ukrayna və Moldovanın Aİ üzvlüyünə namizəd statusu haqqında qətnamə qəbul edib
Kiyev, 23 iyun, AZƏRTAC
Cümə axşamı, iyunun 23-də Avropa Parlamenti Ukrayna və Moldovaya Avropa İttifaqı üzvlüyünə namizəd statusu verilməsini dəstəkləyən qətnamə qəbul edib.
AZƏRTAC bu barədə Avropa Parlamentinin deputatı Vladimir Bilçikin tviter səhifəsində məlumatına istinadla xəbər verir.
Bilçik yazır: “Avropa Parlamenti Ukrayna, Moldova və Gürcüstanın Aİ üzvlüyünə namizəd statusu haqqında qətnaməni böyük səs çoxluğu ilə qəbul edir: səsvermənin yekunları Avropa İttifaqının bugünkü iclası ərəfəsində Ukrayna və Moldova üçün namizədlik statusunun dəstəklənməsini göstərən ciddi siqnaldır”.
Avropa İttifaqının parlamentinin 529 deputatı qətnaməni dəstəkləyib, 45 deputat qətnamənin əleyhinə səs verib, 14 deputat bitərəf qalıb.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır