×
A
A
A
Sazlamalar

Leysan yağışları Gürcüstanın qərbində ciddi fəsadlar törədib

Tbilisi, 23 iyun, AZƏRTAC
Gürcüstanda güclü leysan yağışları nəticəsində ölkənin qərb bölgəsində onlarla evi su basıb, kənd təsərrüfatına və infrastruktura ciddi ziyan dəyib.
AZƏRTAC xəbər verir ki, Gürcüstanın qərbindəki Sintsa çayının məcrasından çıxması nəticəsində Zuqduqi və Senaki rayonlarında onlarla evi, məktəb və uşaq bağçalarını su basıb. Bir neçə körpü və yolların asfalt örtüyü dağılıb.
Hazırda bölgəyə dəyən ziyanın miqdarı və təbii fəlakətin miqyası dəqiqləşdirilir.
Sinoptiklər isə yağışların davam edəcəyini proqnozlaşdırırlar.

Xətayi Əzizov
AZƏRTAC-ın xüsusi müxbiri
Tbilisi 

 

Dünya 2022-06-23 10:13:00