Türkiyə Prezidenti Muğla vilayətində yanğın baş verən əraziyə baxış keçirib
İstanbul, 22 iyun, AZƏRTAC
Türkiyə Prezidenti Rəcəb Tayyib Ərdoğan Muğla vilayətinin Marmaris rayonunda yanğın baş verən əraziyə baxış keçirib.
AZƏRTAC xəbər verir ki, helikopterlə ərazini gəzən Türkiyə dövlətinin başçısını ölkənin daxili işlər naziri Süleyman Soylu müşayiət edib.
Xatırladaq ki, iyunun 21-i axşam saatlarından başlayaraq Türkiyənin Muğla vilayətinin Marmaris rayonunda yerləşən meşəlik ərazilərdə yanğın başlayıb. Yaşayış ərazilərindən təqribən 3-4 kilometr kənarda baş verən yanğının söndürülməsi işləri davam edir.
Bölgədə 30-a yaxın ev təxliyə edilib.
Təxminən 250 hektar ərazini əhatə edən yanğının baş verdiyi bölgəyə gedən yollar nəzarət altına alınıb, əraziyə girişlər qadağan olunub.
Günel Məlikova
AZƏRTAC-ın xüsusi müxbiri
İstanbul
Türkiyə Prezidenti HƏMAS-ın siyasi bürosunun rəhbərini qəbul edib
Bu il Türkiyənin xidmətlər üzrə ixrac hədəfi 110 milyard dollardır
“Flydubai” Dubay hava limanından uçuşlar rejimini bərpa edib
77-ci Kann kinofestivalının rəsmi posteri təqdim edilib
Hakan Fidan: Dünyanın ən böyük problemi beynəlxalq sistemin ikiüzlülüyüdür