Bakı, 18 iyun, AZƏRTAC
Gədəbəydə xəsarətlə nəticələnən yol qəzası olub.
Fövqəladə Hallar Nazirliyinin(FHN) mətbuat xidmətindən AZƏRTAC-a bildiriblər ki, nazirliyin “112” qaynar telefon xəttinə Kiçik Qaramurad kəndində QAZ markalı yük avtomobilinin dərəyə aşması və xilasedici köməyinə ehtiyac yaranması barədə məlumat daxil olub. Hadisə yerinə cəlb olunan FHN-in Dövlət Yanğından Mühafizə Xidmətinin müvafiq xilasetmə qüvvələri müxtəlif xəsarətlər alaraq sıxılı vəziyyətdə qalan sürücünü deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.