Bakı, 17 iyun, AZƏRTAC

Bakı Şəhər Mədəniyyət Baş İdarəsinin Niyazi adına 22 nömrəli uşaq musiqi məktəbi Azərbaycan Milli İncəsənət Muzeyində “Şuşa İli”nə həsr olunmuş “İlin uğurları” adlı konsert keçirib.
Baş İdarədən AZƏRTAC-a bildirilib ki, konsertdə çıxış edənlər bu tədris ili ərzində Qazaxıstan, Fransa, Yaponiya, Belçika və s. ölkələrdə keçirilmiş müxtəlif beynəlxalq müsabiqələrdə qalib olan şagirdlər olub. Onların ifasında İ.S.Bax, F.Mendelson, P.İ.Çaykovski, F.Şopen, H.Venyavski, V.Mustafazadə, S.Ələsgərov, P.Bülbüloğlunun əsərləri səsləndirilib.
Konsert dinləyicilər tərəfindən maraqla qarşılanıb.