Bakı, 17 iyun, AZƏRTAC

Milli Arxiv İdarəsində "Dövlət arxivlərinin əsas fəaliyyət istiqamətləri, vəzifələri" və "Arxiv sənədlərinin mühafizəsinin təmin edilməsi üzrə tədbirlər" mövzusunda seminar-müşavirə keçirilib.
İdarədən AZƏRTAC-a bildirilib ki, seminar-müşavirədə İdarənin rəis müavini Həsən Həsənov, Təşkilat-metodika və beynəlxalq əlaqələr şöbəsinin müdiri Cəmilə Abasova və şöbənin, o cümlədən dövlət arxiv xidməti təşkilatlarının müvafiq sahəyə məsul əməkdaşları iştirak ediblər.
Tədbiri giriş sözü ilə İdarənin rəis müavini Həsən Həsənov açaraq mövzu ətrafında çıxış edib.
Sonra seminar şöbə müdiri Cəmilə Abasovanın məruzəsi və baş məsləhətçi Həbib Həsənovun mövzu üzrə hazırladığı videoçarxın təqdimatı ilə davam edib.