×
A
A
A
Sazlamalar

Bəxtiyar Soltanov: Bayrağımızı yüksəklərdə dalğalandırmaq üçün bundan sonra da əlimizdən gələni edəcəyik

Bakı, 13 iyun, AZƏRTAC

Turnirin ən yaxşı oyunçusu olacağımı gözləmirdim. Həm çempionatın qalibi olmaq, həm də turnirin ən yaxşı oyunçusu seçilmək mənə ikiqat sevinc verir.
AZƏRTAC xəbər verir ki, bunu jurnalistlərə açıqlamasında minifutbol üzrə Avropa çempionu olan Azərbaycan milli komandasının oyunçusu Bəxtiyar Soltanov söyləyib.
“Finaldakı rəqib altıqat Avropa çempionu idi. Lakin oyunun məsuliyyətini hiss edirdik. Şükürlər olsun ki, qələbə qazandıq. Bütün oyunçularımız qalib olmaq üçün çox əziyyət çəkdilər. Qarşıda da yarışlarımız olacaq. Bayrağımızı yüksəklərdə dalğalandırmaq üçün bundan sonra da əlimizdən gələni edəcəyik”, - deyə B.Soltanov qeyd edib.

İdman 2022-06-13 07:07:00