Bakı, 11 iyun, AZƏRTAC

Nəqliyyatda Baş Polis İdarəsinin Yevlax stansiyası Xətt Polis Şöbəsinin əməkdaşlarının keçirdikləri tədbirlər nəticəsində xidməti ərazidə silah-sursat aşkarlanıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a verilən məlumata görə, xətt polis şöbəsinin əməkdaşları Ağdam rayonu ərazisində Bərdə-Köçərli-Təzəkənd mənzilinin yaxınlığında bir ədəd “AK-74” markalı avtomat, 137 ədəd 5.45 çaplı patron, 35 ədəd 12.7 çaplı pulemyot patronu və üç ədəd avtomat darağı aşkarlayaraq götürüblər.
Faktla bağlı araşdırma davam edir.