Bakı, 30 may, AZƏRTAC

“TEKNOFEST Azərbaycan” festivalı çərçivəsində keçirilən müsabiqələrin ikinci və üçüncü yer üzrə qalibləri təltif olunub və festival uğurla başa çatıb.
AZƏRTAC xəbər verir ki, bu sözləri rəqəmsal inkişaf və nəqliyyat naziri Rəşad Nəbiyev öz tviter hesabında yazıb.
“300 minə yaxın izləyicinin maraqla qatıldığı festivalın təşkilində əməyi keçən hər bir kəsə təşəkkürümüzü bildiririk. İnanıram ki, cənab Prezident İlham Əliyevin himayəsi ilə keçirilən “TEKNOFEST Azərbaycan”ın texnoloji müsabiqələri, tədbirləri gənc nəslin texnologiyalara marağının artmasına və innovasiya proseslərinin birbaşa iştirakçısına çevrilməsinə səbəb olacaq”, - deyə nazir vurğulayıb.