İstanbul, 28 may, AZƏRTAC

Bütün Azərbaycanı 28 May - Müstəqillik Günü münasibətilə təbrik edirəm. İki il əvvəl oradakı insanlarla bərabər keçirdiyimiz günlərimiz oldu. O günlər xatirəmdən əsla silinməyəcək. Azərbaycanın xoş günlərini görmək məni qürurlandırır.
Bu fikirləri AZƏRTAC-a müsahibəsində türkiyəli jurnalist Fulya Öztürk deyib.
Olduqca duyğulandığını bildirən jurnalist vurğulayıb: “Bayram münasibətilə azərbaycanlıları bir arada görmək və onlarla birlikdə bu günü qeyd etmək mənə çox böyük qürur və xoşbəxtlik hissi verir. Bu, qalib qardaş Azərbaycanın qeyd etdiyi Müstəqillik Günüdür. Hisslərimi sözlə ifadə edə bilmirəm, olduqca duyğuluyam. Müstəqillik Günü Azərbaycan tarixinin ən şanlı səhifələrindən biri olduğu qədər, həm də bütün türk dünyası üçün olduqca vacib, tarixi hadisədir”.

Günel Məlikova
AZƏRTAC-ın xüsusi müxbiri
İstanbul