Klassik avtomobillərin yürüşü zamanı müxtəlif nominasiyalarda müsabiqələr keçiriləcək və qaliblər mükafatlandırılacaq
Baki, 28 may, AZƏRTAC
Azərbaycan Avtomobil Federasiyası (AAF) Bakı Şəhər İcra
Hakimiyyətinin və Regional İnkişaf İctimai Birliyinin təşkilati dəstəyi ilə mayın 29-da klassik avtomobillərin yürüşünü keçirəcək. AAF-dan AZƏRTAC-a verilən məlumata görə, Heydər Əliyev Mərkəzinin qarşısından start götürəcək avtomobillər Bakı şəhəri üzrə yürüş edəcəklər.
Yürüşdə iştirakçılar və tamaşaçılar arasında müsabiqələr keçiriləcək və qaliblər Azərbaycan Avtomobil Federasiyası (AAF) tərəfindən mükafatlandırılacaq. İştirakçılar və tamaşaçılar arasında qaliblər “Ən unikal avtomobil”, “Ən nizamlı sürücü”, “Ən rəngarəng retro geyim” və digər nominasiyalar üzrə müəyyənləşəcək.
Qeyd edək ki, öncədən qeydiyyatdan keçən avtomobil və sahibləri mayın 29-da saat 13:00-da Heydər Əliyev Mərkəzinin qarşısında olmalıdır.
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub