Azərbaycan Xalq Cümhuriyyəti xalqın milli mənlik şüurunu özünə qaytardı
Ağcabədi, 28 may, AZƏRTAC
Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.
AZƏRTAC-ın bölgə müxbiri xəbər verir ki, bu fikirlər Ağcabədidə Müstəqillik Gününə həsr olunmuş əyləncəli bayram tədbirində səsləndirilib. Ağcabədi Rayon Gənclər və İdman İdarəsinin Ağcabədi Pedaqoji Kolleci ilə birgə təşkil etdiyi tədbirin iştirakçıları əvvəlcə ümummilli lider Heydər Əliyevin büstü önünə gül dəstələri qoyublar. Azərbaycanın müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla yad edilib, Dövlət Himni səsləndirilib.
Ağcabədi Rayon Gənclər və İdman İdarəsinin rəisi Rüfət Quliyev, Ağcabədi Pedaqoji Kollecinin direktoru Mirələm İbrahimli və başqaları tədbirdə çıxış edərək Azərbaycan Xalq Cümhuriyyətinin yaradılmasından, 23 aylıq fəaliyyətindən, xalqımızın dövlətçilik tarixindəki rolundan danışıblar.
Tədbirdə kollecin bir qrup fəal gənci fəxri fərmanla təltif olunub. Tədbir əyləncəli konsert proqramı ilə davam etdirilib.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib