Leonid Slutski Rusiya Liberal-Demokrat Partiyasının sədri seçilib
Moskva, 27 may, AZƏRTAC
Rusiya Dövlət Dumasının beynəlxalq məsələlər komitəsinin sədri Leonid Slutski Rusiya Liberal-Demokrat Partiyasının (RLDP) sədri seçilib.
AZƏRTAC xəbər verir ki, L.Slutski partiyanın 34-cü növbədənkənar iclasında seçilib. O, bu vəzifədə aprel ayında vəfat etmiş Vladimir Jirinovskini əvəz edəcək. RLDP-in nizamnaməsinə görə, partiya sədri 4 il müddətinə seçilir. Bir nəfərin qeyri-məhdud sayda namizədliyini irəli sürmək hüququ var.
Leonid Slutski seçkilərdən sonra çıxışında bildirib ki, RLDP-nin strategiyası, dəyişməyəcək. Eyni zamanda, partiyanın fəaliyyəti daha sosial yönümlü olacaq. Ekspertlər L.Slutskini partiyanın yeni fəaliyyət rejiminə sakit keçidini təmin edə biləcək fiqur kimi qiymətləndirirlər.
Qeyd edək ki, L.Slutski ixtisasca iqtisadçıdır. Bir çox məsul vəzifələrdə çalışıb, o cümlədən Rusiya Federal Məclisinin Avropa Şurasındakı nümayəndəliyinin rəhbərinin müavini olub. Azərbaycan Prezidenti İlham Əliyevin Sərəncamı ilə “Dostluq” ordeni ilə təltif edilib.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır