Bakı, 27 may, AZƏRTAC

Bakı Şəhər Mədəniyyət Baş İdarəsinin S.Rüstəmov adına 13 nömrəli uşaq musiqi məktəbi Qazaxıstanın Nur-Sultan şəhərində keçirilən I Beynəlxalq musiqi festivalında uğurla çıxış edib.
İdarədən AZƏRTAC-a bildirilib ki, musiqi məktəbinin müəllimləri Gülzar Məmmədova və Xuraman Bağırovanın şagirdləri Turan Bağırov və Tunar Bağırov II yerə layiq görülüblər. Müəllim Könül Nəsirovanın şagirdləri Gülbikə Mikayılova və Ramilə Babayeva isə diplomant adını qazanıblar.