Gürcü nazir: Ölkə ərazisindəki bütün magistral yolların tikintisi 2030-cu ilə qədər sona çatacaq
Tbilisi, 27 may, AZƏRTAC
Gürcüstanda bütün magistral yolların tikintisi 2030-cu ilə qədər sona çatacaq.
AZƏRTAC xəbər verir ki, bu barədə Gürcüstanın regional inkişaf və infrastruktur naziri İrakli Karselidze ölkə parlamentində çıxışı zamanı deyib.
Onun sözlərinə görə, əsas magistral yolların tikintisi başa çatdıqdan sonra Azərbaycan sərhədindən Gürcüstandan keçməklə Türkiyəyədək olan yol təxminən 50 faiz qısalacaq.
Nazir deyib: “Bu gün Qırmızı körpüdən Sarpiyədək səyahət müddəti 8 saat təşkil edir. Lakin bizim apardığımız işlər və yol infrastrukturunun yenidən qurulması nəticəsində bu vaxt 4 saata qədər azalacaq”.
Xətayi Əzizov
AZƏRTAC-ın xüsusi müxbiri
Tbilisi
Türkiyə Silahlı Qüvvələri son bir həftədə 38 terrorçunu zərərsizləşdirib
Korsikanın muxtariyyətinə dair qanun layihəsi qəbul olundu, deputat etiraz etdi: Bu, buxovdur