Molekulyar Biologiya və Biotexnologiyalar İnstitutunun əməkdaşları təcrübə taxıl sahələrində monitorinq aparıblar
Bakı, 27 may, AZƏRTAC
AMEA-nın Molekulyar Biologiya və Biotexnologiyalar İnstitutunun Bioadaptasiya laboratoriyasının aparıcı elmi işçisi biologiya üzrə fəlsəfə doktoru Samirə Rüstəmova, elmi işçi Turanə İsgəndərova və Karbonun fotosintetik assimilyasiyasının enzimologiyası laboratoriyasının aparıcı elmi işçisi biologiya üzrə fəlsəfə doktoru Ulduzə Qurbanova Kənd Təsərrüfatı Nazirliyi Əkinçilik Elmi-Tədqiqat İnstitutunun Qobustan Bölgə Təcrübə Stansiyasında elmi ezamiyyətdə olublar.
Molekulyar Biologiya və Biotexnologiyalar İnstitutundan AZƏRTAC-a bildirilib ki, ezamiyyənin əsas məqsədi analizlərin aparılması üçün sahə şəraitində əkilmiş buğda genotiplərində qeyri-invaziv rəqəmsal fenotipləmə üzrə tədqiqatların aparılması olub. Elmi işçilər təcrübə taxıl sahələrində müxtəlif nəzarət pitomniklərində monitorinq aparıblar. Bitkilərin fenotipik vəziyyəti “Polypen-400” cihazının köməyilə qiymətləndirilib.
Ümumilikdə 67 yerli, 41 Rusiya mənşəli, 9 Türkiyə mənşəli, 18 Avropa mənşəli genotipdə ölçmələr aparılıb. Alınan nəticələr sonda statistik və bioinformatik proqramlarla analiz ediləcək.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır