“Ceyran” ansamblı Tbilisidə keçirilən festivalda uğurla çıxış edib
Tbilisi, 27 may, AZƏRTAC
Tbilisidə Gürcüstanın Müstəqillik Gününə həsr olunmuş Beynəlxalq Televiziya Xeyriyyə Festivalı keçirilib.
AZƏRTAC xəbər verir ki, Gürcüstan, Almaniya, Polşa, Ermənistan və İran dövlətlərinin nümayəndələrinin iştirak etdikləri tədbirdə Tbilisidə fəaliyyət göstərən “Ceyran” ansamblı Azərbaycan rəqslərini təqdim edib.
Tədbirin açılış mərasimində Azərbaycanın Gürcüstandakı səfirliyinin məsul əməkdaşı Eldar Bayramov çıxış edərək gürcü xalqını müstəqillik günü münasibətilə təbrik edib, onlara sülh və firavanlıq arzulayıb.
“Ceyran” rəqs qrupu “Xarıbülbül”, “Uzundərə”, “Qarabağ” mahnılarını ifa ediblər.
Azərbaycan milli rəqsləri alqışlarla qarşılanıb.
Münsiflər heyətinin qərarı ilə “Ceyran” ansamblı kubok qazanıb.
Ansamblın üzvləri isə medallar və sertifikatlarla mükafatlandırılıblar.
Xətayi Əzizov
AZƏRTAC-ın xüsusi müxbiri
Tbilisi
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir