UNEC-in prorektoru: Azərbaycandakı təhsil islahatlarını və onun nəticələrini tanıtmaq əsas məqsədlərimizdəndir VİDEO
Əskişəhər, 26 may, AZƏRTAC
Əskişəhərdə Azərbaycan mədəniyyət və incəsənət günlərinin keçirilməsi mühüm hadisədir. Prezident İlham Əliyevin rəhbərliyi ilə Azərbaycanda həyata keçirilən təhsil islahatlarını və onun nəticələrini tanıtmaq əsas məqsədlərimizdəndir. Azərbaycan Dövlət İqtisad Universiteti olaraq bu kimi təbirlərdə iştirak etməkdə hər zaman maraqlı olmuşuq.
AZƏRTAC xəbər verir ki, bu fikirləri Azərbaycan Dövlət İqtisad Universitetinin (UNEC) prorektoru Gəray Musayev ifadə edib.
Türkiyənin ali təhsil müəssisələri, eləcə də Əskişəhər Osmanqazi Universiteti ilə əməkdaşlığa böyük diqqət göstərdiklərini diqqətə çatdıran prorektor Gəray Musayev deyib ki, beynəlxalq təcrübənin öyrənməsi hər zaman faydalı olub.
Xatırladaq ki, Azərbaycanın Türkiyədəki səfirliyinin, İstanbuldakı baş konsulluğunun, Azərbaycan Dövlət İqtisad Universitetinin (UNEC) və Əskişəhər Osmanqazi Universitetinin birgə təşkilatçılığı ilə Əskişəhərdə Azərbaycan mədəniyyət və incəsənət günləri keçirilib.
28 May-Müstəqillik Günü və Azərbaycan-Türkiyə diplomatik münasibətlərinin qurulmasının 30 illiyinə həsr olunmuş tədbirdə UNEC-in Yaradıcılıq Mərkəzinin rəngarəng çıxışları qardaş ölkədə böyük maraqla qarşılanıb.
Sabir Şahtaxtı
AZƏRTAC-ın xüsusi müxbiri
Əskişəhər
Azərbaycan-Özbəkistan ədəbi-mədəni əlaqələri ortaq tarixi keçmişə əsaslanır - dəyirmi masa
ADA Universitetində keçirilən “Xəzər Hövzəsi Araşdırmaları” proqramı yekunlaşıb
BDU-da “Gələcəyin alimləri” adlı tələbələrin IX elmi konfransı keçirilib
Ümumi (9 illik) orta təhsil səviyyəsi üzrə keçirilən buraxılış imtahanının nəticələri açıqlanıb
Əqli Mülkiyyət Agentliyində ixtiraçılıq və patent analitikası mövzusunda təlim keçirilib