Bakı, 26 may, AZƏRTAC

“Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin Bakı Reabilitasiya Mərkəzində Tibbi reabilitasiya şöbəsi və Sosial-psixoloji reabilitasiya və abilitasiya şöbəsi olmaqla 2 şöbə fəaliyyət göstərir.
Pasiyentlərimizin əsasını 2-ci Qarabağ müharibəsi qaziləri təşkil edir. Müalicə zamanı ampultasiya olunmuş nahiyədə fizioterapevtik müalicələr, masaj, parafinoterapiya və müalicəvi bədən tərbiyəsi aparılır. Eyni zamanda, qazilərimizə psixioloji reabilitasiya məqsədilə psixoloqla seanslar keçirilir. Bu da onların depressiyadan çıxmasına və əhval-ruhiyyələrinin yaxşılaşmasına müsbət təsir göstərir”.
AZƏRTAC xəbər verir ki, bunu Bakı Reabilitasiya Mərkəzinin direktoru Şahin Qurbanov deyib.
“Müalicə proqramı hər xəstəyə fərdi şəkildə tərtib edilir, bu da müalicədən yüksək terapevtik effekt almağa köməklik göstərir. Mərkəzə daxil olan bütün şəxslərə fərdi şəkildə psixoloji konsultasiyalar və ehtiyacı olanlara psixoloji seanslar keçirilir”.