Kişi voleybolçulardan ibarət Azərbaycan millisi V İslam Həmrəyliyi Oyunlarına hazırlığı davam etdirir
Bakı, 26 may, AZƏRTAC
Avropa çempionatının təsnifat mərhələsində və V İslam Həmrəyliyi Oyunlarında iştirak edəcək kişi voleybolçulardan ibarət Azərbaycan millisinin təlim-məşq toplanışı davam edir.
Azərbaycan Voleybol Federasiyasından AZƏRTAC-a bildiriblər ki, avqustda keçiriləcək yarışlara hazırlaşan komanda toplanışın ilkin mərhələsinə mayın 15-də Bakıda start verib. İyirmi dörd voleybolçunun cəlb olunduğu hazırlıq prosesinə baş məşqçi Pərviz Səmədov rəhbərlik edir. Ona Mixail Solovyov və Akif Vəliyev kömək göstərirlər. Təlimlər “Sərhədçi” Olimpiya İdman Mərkəzinin idman zallarında və Bakı Su İdmanı Sarayında keçirilir.
Plana əsasən, yığmanın hazırlığı iyunun 20-dək Bakıda, daha sonra isə ölkə xaricində olacaq. Toplanış müddətində bir neçə yoxlama oyununun keçirilməsi nəzərdə tutulub.
Qeyd edək ki, Azərbaycan millisi “Avro-2023”ün təsnifat mərhələsində Türkiyə və Danimarka ilə birlikdə A qrupunda mübarizə aparacaq. İslam Oyunlarındakı rəqiblər isə hələlik məlum deyil.
Premyer Liqa: “Sumqayıt” – “Araz-Naxçıvan” oyununun hakimləri bəlli olub
“Böyük Dəbilqə”: Azərbaycanın 3 cüdoçusu mübarizəyə başlayır
Kişi voleybolçuların Yüksək Liqasında növbəti oyun keçiriləcək
Premyer Liqa: “Qarabağ” üçün çempionluq oyunu, “Neftçi” autsayderə qarşı
Azərbaycan boksçuları Bakıdakı beynəlxalq turniri 21 medalla başa vurublar