“Heydər Əliyev Kuboku” uğrunda minifutbol turnirinə start verilib
Naxçıvan, 26 may, AZƏRTAC
Yeni Azərbaycan Partiyası Naxçıvan Muxtar Respublika Təşkilatının Gənclər Birliyinin üzvlərinin iştirakı ilə “Heydər Əliyev Kuboku” uğrunda minifutbol turnirinə start verilib. 18-35 yaşlı partiya üzvlərini əhatə edən turnirdə kollektivlər Olimpiya sisteminə əsasən mübarizə aparırlar.
Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, Ümummilli Liderin anadan olmasının 99-cu ildönümünə həsr olunan yarış Uzunoba Təlim-Məşq İdman Kompleksinin üstüörtülü minifutbol meydançasında keçirilir.
Gənclər və İdman Nazirliyi və Naxçıvan Futbol Federasiyası tərəfindən təşkil olunan yarışın məqsədi ümummilli lider Heydər Əliyevin əziz xatirəsinin yad edilməsi, gənc partiya üzvlərinin asudə vaxtlarının səmərəli təşkili və minifutbola olan marağın artırılmasıdır.
Səkkiz komandanın qatıldığı yarışda üçüncülük uğrunda Babək-Şərur, finalda isə Şahbuz-Culfa qarşılaşmaları keçiriləcək. İlk üçlükdəki komandalar mükafatlandırılacaq.
Lənkəranda Beynəlxalq Abidələr və Tarixi Yerlər Günü qeyd edilib
Naxçıvanın su təchizatının yaxşılaşdırılması məqsədilə memorandum imzalanıb
Rəqəmsal inkişaf və nəqliyyat naziri Ağdaşda vətəndaşların müraciətlərini dinləyib
Kənd təsərrüfatı nazirinin müavini Lerikdə vətəndaşları qəbul edib, təsərrüfatlara baş çəkib
Naxçıvanda Beynəlxalq Abidələr və Tarixi Yerlər Günü qeyd olunub VİDEO