Bakı, 26 may, AZƏRTAC

Böyük Britaniyada gün ərzində 7 nəfərdə meymun çiçəyi virusu aşkar edilib.
AZƏRTAC Ümumdünya Səhiyyə Təşkilatına (ÜST) istinadla xəbər verir ki, Böyük Britaniyada bu virusa yoluxma hallarında artım davam edir.
Aprel və may aylarında Qərbi Avropanın bir sıra ölkələrində yayılan meymun çiçəyi virusu digər qitələrdə də aşkarlanıb. Avstraliya, Belçika, Almaniya, İspaniya, İtaliya, Kanada, Portuqaliya, ABŞ, Fransa, İsveçrə və İsveçdə də yoluxma halları qeydə alınıb.
Ümumdünya Səhiyyə Təşkilatının məlumatına görə, meymun çiçəyi epidemiyaları üçün ölüm nisbəti adətən 1 faiz ilə 10 faiz arasındadır, ölümlərin əksəriyyəti gənc yaş qruplarında baş verir.