Bakı, 26 may, AZƏRTAC

Bakıdakı Mikayıl Müşfiq adına 18 nömrəli tam orta məktəbin yuxarı sinif şagirdləri Bakı Slavyan Universitetində (BSU) ekskursiyada olublar.
Bu barədə AZƏRTAC-a BSU-dan bildirilib. Şagirdlər BSU-nun Heydər Əliyev Tədris Mərkəzi, tədris auditoriyaları, tədris-mədəniyyət mərkəzləri, elmi-tədqiqat laboratoriyaları və muzeyi ilə tanış olublar. Onlara BSU-nun tarixi, keçdiyi böyük və zəngin inkişaf yolu, universitetdə fəaliyyət göstərən fakültələr, tədris-mədəniyyət mərkəzləri, tədris olunan ixtisaslar, hazırda həyata keçirilən yeniliklər, islahatlar barədə geniş məlumat verilib.