Bakı, 26 may, AZƏRTAC

“TEKNOFEST Azərbaycan” festivalı çərçivəsində Kənd Təsərrüfatı Nazirliyinin tərəfdaşlığı ilə “AgroTech” müsabiqəsi keçirilir.
AZƏRTAC xəbər verir ki, müsabiqənin keçirilməsində əsas məqsəd irəli sürüləcək yeni texnologiyalarla həm əhalinin rifahının yaxşılaşdırılmasına, həm də ölkə iqtisadiyyatının inkişafına dəstək göstərməkdir. Müsabiqə tələbələr, həmçinin fərdi şəxslər və ya sahibkarlar arasında təşkil olunub.
Qeyd edək ki, son illərdə kənd təsərrüfatı sahəsində ən çox müşahidə olunan problemlər meşə və bitki örtüyünün xeyli seyrəlməsi, mədən yataqlarının qeyri-adekvat istismarı, həddindən artıq otlaq sahələri, uyğun olmayan əkin dövriyyəsi, qeyri-mütənasib gübrə istifadəsi və qlobal iqlim dəyişikliyi nəticəsində məhsuldarlığın azalmasıdır.