Bakıda “Şuşa İli”nə həsr olunmuş “Şuşa-mədəni irsimiz” adlı intellektual yarış keçirilib
Bakı, 26 may, AZƏRTAC
Mayın 26-da Ailə, Qadın və Uşaq Problemləri üzrə Dövlət Komitəsi (AQUPDK), ADA məktəbi, Uşaq Səfirlər Məclisi və ADA-nın Tələbə Şurasının birgə təşkilatçılığı ilə ADA məktəbində “Şuşa İli”nə həsr olunmuş “Şuşa-mədəni irsimiz” adlı intellektual yarış keçirilib.
AZƏRTAC xəbər verir ki, tədbirdə AQUPDK sədrinin müavini Aynur Sofiyeva, komitənin Uşaq problemləri şöbəsinin müdiri Cəmilə Bağırova, ADA Universitetinin Akademik işlər üzrə prorektoru Vəfa Kazdal və digərləri iştirak ediblər.
Tədbirin açılışında Azərbaycanın Dövlət Himni səsləndirilib.
Sonra Şuşa şəhəri ilə bağlı videoçarx nümayiş olunub.
İştirakçıların çıxışlarından sonra intellektual yarışa start verilib. Yarışda komandalara Şuşa şəhərinin tarixi, mədəni irsi ilə bağlı suallar ünvanlanıb.
Qaliblər müəyyən olunduqdan sonra yarış iştirakçılarına sertifikatlar, birinci yeri tutan komandaya isə kubok təqdim edilib.
Əməkdar artist Cavanşir Məmmədov vəfat edib
Alimlər yaşlı insanlarda əzələ zəifliyinin səbəbinə aydınlıq gətiriblər
Sosial sahədə e-xidmətlərə yanvar-mart aylarında 800 minədək müraciət qeydə alınıb
Nigar Arpadarai: Bütün tərəfdaşların COP29-a böyük marağı var VİDEO