Azərbaycanlı terapevt Qazaxıstanda iltihabi bağırsaq xəstəliklərinə həsr edilmiş forumda iştirak edib
Bakı, 26 may, AZƏRTAC
Qazaxıstanın Almatı şəhərində keçirilən iltihabi bağırsaq xəstəliklərinə həsr edilmiş VI Milli forumda Əziz Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının dosenti Gülüstan Babayeva iştirak edib.
İnstitutun mətbuat xidmətindən AZƏRTAC-a verilən məlumata görə, üç gün davam edən forumda iltihabi bağırsaq xəstələrində neoplaziyalar-displaziyalar yarandığı dövrdə “yol xəritəsi”nin təşkili, orta tibb personalının xüsusi hazırlığı ilə əlaqədar çıxışlar və müzakirələr, xəstəliyin yeni diaqnostika və müalicə prinsipləri, multidistiplinar yanaşma və ekstaintestinal problemlər ilə əlaqəli Azərbaycan, Almaniya, İtaliya, İsveç, Cənubi Koreya, Rusiya və Qazaxıstan alimlərinin tədqiqatlarının nəticələri dinlənilib.
Həmyerlimiz forumda panellərdən birinin moderatoru olub və məruzə ilə çıxış edib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar