Bakı, 25 may, AZƏRTAC

Bakının “Sabah” klubu heyətini yeni futbolçu ilə gücləndirib.
AZƏRTAC klubun rəsmi saytına istinadla xəbər verir ki, paytaxt təmsilçisi Azərbaycan millisinin müdafiəçisi Tellur Mütəllimovu transfer edib. İyirmi yeddi yaşlı oyunçu ilə ikiillik müqavilə imzalanıb.
Qeyd edək ki, sonuncu klubu “Sumqayıt” olan futbolçu karyerası ərzində “Qəbələ” və “Zirə” komandalarında da çıxış edib.