“Neftçi”nin kikboksçuları ölkə çempionatında 3 medal qazanıblar
Bakı, 25 aprel, AZƏRTAC
“Sərhədçi” İdman Olimpiya Mərkəzində kikboksinq üzrə XXVI Azərbaycan çempionatı keçirilib.
AZƏRTAC xəbər verir ki, “Neftçi” idman klubunun yetirmələri çempionatda 3 medal qazanıblar.
Klubun yetirmələrindən Ramiz Məmmədov (60 kq) full kontakt versiyasında çempionatın qızıl medalına sahib olub. Rauf Gərayzadə (81 kq) isə lou kik versiyasında gümüş medala sahib olub. Xanım idmançı Fatma Mehdiyeva (65 kq) isə yarışı üçüncü pillədə başa vurub.
Qeyd edək ki, Azərbaycan çempionatının qalibləri avqustun 9-18-də Türkiyənin Konya şəhərində keçiriləcək V İslam Həmrəyliyi Oyunlarında ölkəmizi təmsil etmək hüququ əldə ediblər.
Superliqa: "Beşiktaş" doğma meydanda qalib gəlib
Azərbaycan parabadmintonçusu beynəlxalq turnirdə yarımfinala yüksəlib
Bakıda bədii gimnastika üzrə Dünya Kubokunun açılış mərasimi olub
Premyer Liqa: “Sumqayıt” Tovuzda vacib üç xalı qazanıb
FHN-nin qurumları arasında stolüstü tennis üzrə çempionata yekun vurulub