YARAT-da “Məhəbbət” tamaşası nümayiş ediləcək
Bakı, 25 may, AZƏRTAC
İyunun 3-də YARAT Müasir İncəsənət Mərkəzində “Məhəbbət” tamaşası nümayiş ediləcək.
YARAT-dan AZƏRTAC-a bildirilib ki, YARAT Teatr Klubunun təqdim etdiyi səhnə əsəri kişi və qadın münasibətləri, insanlar arasında canlı ünsiyyət, insan səhvləri, kompromis, bağışlanma və nəhayət sevgi haqqındadır.
Baxmayaraq ki, pyes "yeni dalğa" cərəyanın nümayəndəsi olan Lyudmila Petruşevskaya tərəfindən çətin və "durğun" dövrdə (1974) yazılıb, əsər bu gün də öz aktuallığını itirmir.
Tamaşanın rejissoru Azərbaycan Dövlət Gənc Tamaşaçılar Teatrının aktyoru Mikayıl Əliyevdir.
Səhnə əsərində aktyorlar Səbinə Asim (Səməd Vurğun adına Azərbaycan Dövlət Akademik Rus Dram Teatrının aktrisası), Bəhruz Əliyev (Azərbaycan Dövlət Akademik Gənc Tamaşaçılar Teatrının aktyoru), Məryəm Adıgözəlova (Səməd Vurğun adına Azərbaycan Dövlət Akademik Rus Dram Teatrının aktrisası) çıxış edəcəklər.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir