Sarayevoda bir çox məktəbdə bomba təhlükəsi ilə bağlı xəbərdarlıq edilib
Sarayevo, 25 may, AZƏRTAC
Bosniya və Herseqovinanın paytaxtı Sarayevo şəhərində bir çox məktəbdə bomba təhlükəsi ilə bağlı xəbərdarlıq edilib.
AZƏRTAC xəbər verir ki, Sarayevo Kantonunun Daxili İşlər Nazirliyinin məlumatına görə, səhər saatlarında Mərkəz, Stari Qrad, Voqoska və İlidza bələdiyyələrindəki bir çox məktəbə bomba qoyulduğuna dair məlumat daxil olub. Məlumatlar elektron poçt vasitəsilə göndərilib və məsələ ilə bağlı prokurorluq məlumatlandırılıb.
Həmin məktəblərdə tədris dayandırılıb və şagirdlər evlərinə göndərilib. Ətraflı araşdırmalardan sonra bomba təhlükəsi ilə bağlı xəbərdarlıqların saxta olduğu müəyyən edilib.
Qeyd edək ki, son dövrlərdə Qərbi Balkan ölkələrindən Serbiya və Monteneqroda bomba təhlükəsi ilə bağlı saxta xəbərdarlıqların sayı artmaqdadır. Təkcə Serbiyada 250-dək məktəbə bomba qoyulması ilə bağlı saxta məlumat daxil olub.
Nihad Budaqov
AZƏRTAC-ın xüsusi müxbiri
Sarayevo
“Sony” və “Apollo” kompaniyaları “Paramount” şirkətini satın almaq niyyətindədir
Rusiyanın qəzaya uğrayan hərbi təyyarəsinin pilotlarından biri həlak olub
Şri-Lanka Rusiyaya çay ixracını 14 faiz artırıb
NASA süni intellekt sayəsində iqlim dəyişikliyi ilə mübarizəyə töhfə verəcək
Sudanda 390-dan çox insan vəba və “denge” qızdırmasından ölüb