Sumqayıt, 25 may, Ətrabə Rzayeva, AZƏRTAC

Sumqayıt Regional Mədəniyyət İdarəsinə tabeli olan Səid Rüstəmov adına 3 nömrəli uşaq incəsənət məktəbinin şagirdləri Bakı şəhərində keçirilən “Art Ensemble” adlı İncəsənət Olimpiadasında uğur qazanıblar.
İdarədən AZƏRTAC-a bildirilib ki, fortepiano şöbəsinin 5-ci sinif şagirdi Fidan Sultanova I yerə, 6-cı sinif şagirdi Aysel Əlipaşayeva II yerə layiq görülərək, medal və diplomla mükafatlandırılıblar. Şagirdləri olimpiadaya müəllimləri Esmira Cabbarova hazırlayıb.