Bakı, 24 may, AZƏRTAC

Almaniyanın “Volfsburq” futbol klubunun yeni baş məşqçisi bəlli olub.
AZƏRTAC xəbər verir ki, bu vəzifəyə Niko Kovaç təyin edilib.
Əlli yaşlı xorvatiyalı mütəxəssis ilə 2024/2025-ci il mövsümünün sonunadək müqavilə imzalanıb. O, istefaya göndərilən Florian Koxfeldti əvəzləyib.
2021/2022-ci il mövsümünün sonunda “Volfsburq” 42 xal toplayaraq Bundesliqanı 12-ci pillədə başa vurub.