Bakı, 24 may, AZƏRTAC

Bakının “Sabah” klubu futbolçusu Şpiro Periçiçlə yollarını ayırıb.
AZƏRTAC kluba istinadla xəbər verir ki, 28 yaşlı müdafiəçi ilə mövsümün sonunda başa çatan müqaviləsi yenilənməyib. Ş.Periçiç 2021-ci ilin avqustunda “Sabah”a transfer olub.
Klub rəhbərliyi futbolçuya göstərdiyi xidmətlərə görə təşəkkür edib, ona gələcək karyerasında uğurlar arzulayıb.