Qaxda indiyədək 194 hektar sahəyə tütün şitilləri köçürülüb
Qax, 24 may, Mustafa Dadaşov, AZƏRTAC
Qax rayonunun təsərrüfatlarında tütün əkini davam edir. Fermerlər indiyədək 194,1 hektar sahəyə tütün şitilləri köçürüblər.
Rayon Dövlət Aqrar İnkişaf Mərkəzinin bitkiçilik sektorunun müdiri Eyvaz Aslanov AZƏRTAC-ın bölgə müxbirinə bildirib ki, builki mövsümdə Qax rayonunda 400 hektar sahədə tütün əkilməsi proqnozlaşdırılır. Tütünçü fermerlərlə bağlanmış müqavilələrə əsasən, cari ildə Yaponiyanın “Tet İnternational Development” şirkətinin törəmə müəssisəsi olan “Zaqatala AGRO Industry” MMC tərəfindən 250 hektar, “Azərtütün ASK” MMC (“Tabaterra Leaf” QSC) tərəfindən isə 150 hektar sahədə “Virciniya botaniki” növlü tütün əkilməsi nəzərdə tutulur. İndiyədək “Azərtütün ASK” MMC tərəfindən 109,3 hektar, “Zaqatala AGRO Industry” MMC tərəfindən isə 84,8 hektar sahəyə tütün şitilləri köçürülüb.
Xatırladaq ki, ötənilki mövsümdə qaxlı fermerlər 477 hektar sahədən 560,8 ton quru tütün əldə ediblər.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb