Qahirə, 24 may, AZƏRTAC

Birləşmiş Ərəb Əmirliklərinin paytaxtı Əbu-Dabidə restoranlardan birində qaz silindrinin partlaması nəticəsində 2 nəfərin öldüyü, 120 yaralı olduğu bildirilir.
AZƏRTAC rəsmi Emirates agentliyinə istinadla xəbər verir ki, Əbu-Dabi polisi yaralılardan 67 nəfərinin ilkin tibbi yardımdan sonra evə buraxıldığını, qalanların isə müalicəsinin davam etdiyini bildirib. Polis rəsmisi qeyd edib ki, partlayış nəticəsində ətrafdakı mağazalar və yaşayış binalarının fasadları da zərər görüb. Yanğından mühafizə briqadası ərazidə yanğının qarşısını alıb, sakinləri təxliyə edib. Şəhər rəhbərliyi onların müvəqqəti sığınacaqlarda yerləşdirilməsi üçün tədbirlər görüb.

Oqtay Bayramov
AZƏRTAC-ın xüsusi müxbiri

Qahirə