İmişli, 24 may, Aydın Yavərzadə, AZƏRTAC

Bu il aprelin 1-i vəziyyətinə rayon iqtisadiyyatında muzdla çalışan işçilərin sayı 10,9 min nəfər olub, onlardan 6,7 min nəfəri iqtisadiyyatın dövlət sektorunda, 4,2 min nəfəri isə qeyri-dövlət sektorunda fəaliyyət göstərənlərdir.
İmişli Rayon Statistika İdarəsindən AZƏRTAC-ın bölgə müxbirinə verilən məlumata görə, muzdla işləyənlərin 3,6 min nəfəri və ya 33,0 faizi maddi istehsal sahəsində, 7,3 min nəfəri və ya 67,0 faizi isə xidmət sahəsində çalışanlardır.
2022-ci ilin birinci rübü üzrə rayon iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 9,2 faiz artaraq 560,1 manata çatıb. İqtisadiyyatın maliyyə və sığorta fəaliyyəti sahələrində orta aylıq nominal əməkhaqqı daha yüksək olub.