×
A
A
A
Sazlamalar

Ukraynada benzin və dizel yanacağının qiyməti 30 faizədək bahalaşıb

Kiyev, 24 may, AZƏRTAC
Ukraynada benzin və dizel yanacağının orta pərakəndə satış qiymətləri son bir həftədə 22-30 faiz bahalaşıb.
AZƏRTAC xəbər verir ki, A-92 markalı benzinin orta pərakəndə satış qiyməti litri 8,93 qrivna bahalaşaraq 48-49 qrivna olub. A-95 markalı benzin isə litri 11-12 qrivna bahalaşaraq 51-52 qrivna olub.
Bundan əlavə, dizel yanacağının pərakəndə satış qiyməti litri 56,49 qrivna, maye qazın pərakəndə satış qiymətləri 39,24 qrivna təşkil edib.
Ekspertlər Ukraynada yanacağın qiymətinin yenə də artacağını proqnozlaşdırırlar.
Qeyd edək ki, Ukraynada benzin və dizel yanacağının qıtlığı müşahidə olunur.

Emil Hüseynli
AZƏRTAC-ın xüsusi müxbiri
Kiyev

Dünya 2022-05-24 08:37:00