×
A
A
A
Sazlamalar

Cənubi Koreyada 3 milyon qolf geyiminin olduğu anbar yanır

Pekin, 23 may, AZƏRTAC

Cənubi Koreyanın İnçon şəhərində təxminən 3 milyon qolf geyiminin olduğu 14,6 min kvadratmetrlik anbar yanır.
AZƏRTAC yerli mediaya istinadla xəbər verir ki, yanğın Seul vaxtı ilə saat 11:40-da özəl klublardan birinin dördmərtəbəli anbar binasında başlayıb. Qısa vaxtda binadakı 134 nəfər təhlükəsiz şəkildə təxliyə edilib.
Hazırda yanğınla mübarizə davam edir. Səlahiyyətli şəxslər bu cür iri binadakı yanğının söndürülməsinin müəyyən vaxt tələb etdiyini açıqlayıb.

Şahin Cəfərov
AZƏRTAC-ın xüsusi müxbiri
Pekin 

Dünya 2022-05-23 14:46:00