Avstraliyanın yeni Baş nazirinin andiçmə mərasimi keçirilib
Tokio, 23 may, AZƏRTAC
Mayın 23-də Avstraliyanın Leyboristlər partiyasının lideri Entoni Albanezenin ölkənin yeni Baş naziri kimi andiçmə mərasimi keçirilib.
AZƏRTAC xəbər verir ki, iki gün əvvəl federal parlamentə keçirilən seçkilərdə E.Albanezenin rəhbəri olduğu partiya ən çox səs toplayıb.
Yeni Baş nazir andiçmə mərasimindən dərhal sonra QUAD liderlərinin sammitində iştirak etmək üçün Tokioya yola düşüb.
E.Albaneze bazar günü çıxışında QUAD-ın sammitinin Avstraliya üçün xüsusi prioritet daşıdığını qeyd edib: “Bu görüş bizə bütün dünyaya hökumətin dəyişməsi xəbərini çatdırmaq imkanı yaradacaq”.
Ölkənin xarici siyasətində müəyyən dəyişikliklərin olacağını qeyd edən yeni Baş nazir bunun əsasən iqlim dəyişmələrinə münasibətdə baş verəcəyini bildirib.
QUAD-ın sammitinə gəlincə isə, E.Albaneze tədbir zamanı Yaponiyanın Baş naziri Fumio Kişida, ABŞ Prezidenti Co Bayden və Hindistanın Baş naziri Narendra Modi ilə təklikdə görüşlər keçirəcəyini də qeyd edib.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır