Roma, 23 may, AZƏRTAC
Bu vaxtadək İtaliyada COVID-19 infeksiyası əleyhinə 137,5 milyon dozadan çox peyvənd tətbiq olunub.
AZƏRTAC xəbər verir ki, 2020-ci il dekabrın 27-dən etibarən aparılan vaksinasiya kampaniyası çərçivəsində ölkədə indiyədək 137 milyon 515 min 332 doza peyvənd vurulub. Birinci doza peyvənd qəbul edənlərin sayı 49 milyon 389 min 207 nəfər (12 yaşdan yuxarı əhaliyə nisbəti 91,47 faizdir), peyvəndlərini tamamlayanların sayı 48 milyon 625 min 287 nəfərdir (peyvənd olunanların 12 yaşdan yuxarı əhaliyə nisbəti 90,06 faizdir).
Ötən il sentyabrın 20-dən etibarən isə ümumilikdə 39 milyon 513 min 791 doza əlavə peyvənd tətbiq edilib.

Nihad Budaqov
AZƏRTAC-ın xüsusi müxbiri
Roma