Cozef Bayden: ABŞ və digər ölkələr bazara böyük həcmdə neft çıxarıb
Bakı, 23 may, AZƏRTAC
Dünya keçid dövründədir və bu dövrün sonunda qazıntı yanacağından asılılığa son qoya bilsə, daha da güclənəcək, lakin qiymətlərlə bağlı hazırkı vəziyyət ürəkaçan deyil və bazara əlavə neft çıxarılması üzrə səylər kifayət etmir.
AZƏRTAC Amerika mediasına istinadla xəbər verir ki, bu barədə Birləşmiş Ştatların Prezidenti Cozef Bayden Yaponiya imperatoru ilə ikitərəfli sammitin nəticələrinə həsr olunan mətbuat konfransında bildirib.
“Biz dünyanın keçid mərhələsindəyik və qazıntı yanacağından asılılığı aradan qaldırsaq, daha da güclü olacağıq. Bazara əlavə olaraq çıxardığımız 257 milyon bareldən çox neft yanacaq qiymətlərini bir qədər tənzimləsə də, bu, kifayət deyil”, - ABŞ Prezidenti belə deyib.
Cozef Bayden, həmçinin Rusiyanın təcavüzü nəticəsində böyük həcmdə buğdanın Ukrayna limanlarında qaldığını və bu səbəbdən dünyanın ərzaq çatışmazlığı ilə üzləşdiyini vurğulayıb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır